Product week: easy recipe for the beauty of hands and smoothness منتج الأسبوع: وصفة ترطيب اليدين و زيادة جمالها و نعومتها..٣*١

مساء الخير بنات..

.

.

منتج الأسبوع :

هي زي الفقرة اللي اكتب و أتكلم فيها عن اكثر منتج استخدمته خلال الأسبوع و جاب نتيجة سريعة معاي..

.

.

أكيد كلنا نعاني من تقلب الجو و الغبار و الرطوبة> وكيف تعبت حتى بشراتنا من التقلب المفاجئ سواء في الجو ولا نظامنا وكذا.

البوست اليوم هو عن كذا منتج جابوا معي نتيجة جميلة ودمجتها مع بعض وكانت النتيجة موفقة و راح اعتمدها في الروتين اليومي للترطيب المكثف لليدين و تفتيحها خصوصا مع كثر استخدامنا لليدين في كل شيء بحياتنا تقريبا ولعوامل الجو اللي لها الدور الأكبر في تعبها و جفافها..

ثلاث منتجات بس و كلها متوفرة في اي مكان سواء صيدلية ولا سوبر ماركت،و غير كذا اقتصاديين وغير مكلفين بزيادة..

نحتاج:

زبدة كاكاو مركزة>> استخدمت اللي من شركة بالمرز للترطيب..

زيت بايو أويل..

كريم اليدين باللوز من ذي بودي شوب..

ندفئ زبدة الكاكاو في المكرويف لمدة ٥ ثواني بس ولا في حمام مائي لغاية ماتذوب و تصير سائلة، وبعدها اخلط معها الزيت و الكريم ونحفظهم في علبة زجاجية افضل، ويصير عندنا بعدها منتج (كريم مرطب) واحد مكون من ثلاث منتجات، 

ترطيبه عالي و جميل وتمتصه البشرة بسرعة والحلو فيه مناسب لجميع أنواع البشرة..

استخدامي له قبل النوم مباشرة بس اول شيء اسوي تقشير خفيف ليديني بسكر و زيت زيتون وبعدها استخدم الكريم اللي ذكرته فوق، والبس بعدها قفازات ملمسها زي الكيس وما تمتص المنتج، بنزل لكم صورتها انستغرام بإذن الله،والبس فوقها قفازات ثانية يكون نوعها قماشي لزيادة الترطيب و التفتيح وسرعة امتصاص البشرة للكريم،وبس..

إن شاء تستفيدون و أنصحكم تجربونها..

حبيتوا الموضوع شاركوا من تحبون يستفيد ،رابط المدونة و البوست..

Leave a Comment تجارب, عناية