حياة غذآئية صحية وأسلوب حياة نظيف و صحي للمدى الطويل بأشياء بسيطة

السلام عليكم ورحمة الله وبركاته

البوست هذا با أتكلم لكم فيه عن تجربتي مع الدايت والحياة والاكل الصحي وايش هي الأشياء

اللي ساعدتني أحافظ و أستمر على النظام الغذائي 

الصحي،حتى لو اختل النظام يكون 

بشكل بسيط..

من كنت تقريبا في المرحلة المتوسطة،وأنا أتبع 

حميات ورجيمات وللاسف كانت كلها غلط في غلط

ومرات ينزل وزني بشكل سريع وبس اوقف يرجع اسوا 

من قبل،يعني كان تقريبا نظام عشوائي

ومافيه نوع حمية الا وسويته،لكن للاسف برضو ماكان 

فيه نتيجة دائمة مثالية،

عدت عليْ فترة تقريبا باول وثاني جامعة،كلها 

تخبيص في تخبيص بشكل سيء..

بعدها قلت بس خلاص الى هنا وكفاية،الى متى تخبيص 

و حرمان و انظمة غذائية كلها غلط

ومافيه نتيجة تذكر او اشكر عليها،وقتها اتخذت 

قرار :

اغير نظامي الغذائي الى نظام صحي،بدون حرمان و 

رجوع سريع في الوزن،بقولكم كيف؟؟

١-مافيه زيوت ومقالي ودسم الا من فترة لفترة أو على الأقل مرة في الاسبوع..

٢-الابتعاد عن المشروبات الغازية تماما..

٣-التقليل من الكربوهيدرات(النشويات المعقدة)،واستبدلتها بالقمح والطحين الاسمر والنخالة،

مكرونة و رز وخبز كلها بالطحين الاسمر،وتجنبت الطحين الابيض قد ما اقدر..

٤-استبدلت الحلويات بالمكسرات النيئة و التمر والفواكه و الحلى المعد بطريقة صحية و خفيفة..

٥-استعنت بالقلاية الهوائية فيلبس للطبخ وبجد تستاهل قيمتها مقارنة مع فوائدها..

٦-الرياضة و الرياضة ثم الرياضة سواء كارديو ولا مقاومة لو مشي نصف ساعة يوميا..

٧-أدوات بسيطة ساعدتني في الاستمرار،والحماس و المحافظة على الأكل الصحي،وبفضل الله ثم هذه الادوات 

صرت بالنظر اعرف حجم و وزن الاكل والسعرات الحرارية الموجودة فيه..

وبس هذه الأشياء اللي اعتمدتها وساعدتني في نزول الوزن و المحافظة على النظام الغذائي  و الوزن الصحي

حتى بعد ولادتي مازاد وزني تقريبا الا عشرة كيلو وخسرت النصف والباقي النصف الثاني..

 ملاعق و كاسات القياس، ساعدتني في معرفة الكمية و حساب الارقام بالشكل المطلوب في الطبخ..

جهاز حساب السعرات الحرارية،طلبته من امازون،و 

ضروري يكون معاه الكتيب اللي موجود فيه اسماء 

الاكل و قائمة الطعام تقريبا 2000 صنف غذائي 

مكتوبة فيه مع اكوادها، ولو تطبعون من الكتيب 

كذا نسخه احتياطا لو ضاع ولا تمزق..

ضروري جدا ولا ما راح تستفيدون منه..

 و هنا صورة عن قرب،لتوضيح الأشياء اللي يحسبها 

الجهاز من ضمنها السعرات الحرارية و الدهون 

والكاربوهيدرات والبروتين و السكر و الالياف و الصوديوم،،وكم وزن الصنف..

 أحلى شيء و آهم شيء بالنسبة لي و تزيد من 

الحماس عندي في زيادة التمارين الرياضية.ساعة 

بولار،طلبتها من امازون

وحاليا صارت متوفرة عندنا عن طريق المتاجر 

الالكترونية المهتمة بالرياضة و الاكل الصحي..

تحسب الوقت وعدد السعرات الحرارية المحروقة خلال 

التمارين و نبضات القلب،ولازم الحزام معها ولا

مافيه منها فائدة..

وهذه الأدوات البسيطة اللي استخدمها،وقت الرياضة 

خفيفة و عملية وتقدرون تاخدونها معكم لاي 

مكان،ما تاخذ مساحة كبيرة،طبعا غير جهاز المشي 

و الالبيتكال (اوربتراك)، والدراجةالثابتة

 اتمرن من ساعة لساعة و نصف..

النوت هذا اسجل فيه وجباتي كلها طوال اليوم،وكم 

عدد السعرات الحرارية في كل وجبة،وتذكير بشرب الماء

وما يقل عن ٨ اكواب يوميا،تنفع اكثر للي نظامهم 

الغذائي معتمد على الاحتياج اليومي المحدد للسعرات

الحرارية ونظام الماكروز،شخصيا متبعة لهذا 

النظام و الحمدلله مرتاحة وما احسن بجوع ولا حرمان معه..

نوت التمارين الرياضية اليومية سواء كارديو ولا 

مقاومة ولا إطالة،مع عدد التكرارات و الوقت و السعرات الحرارية المحروقة

خلال التمارين الرياضية،الجميل فيه انه نهاية كل أسبوع تشوفون انجازاتكم و تحديكم لانفسكم وكيف قدرتوا  تخسرون وزن 

و تنجزون و تقاومون خصوصا ان المغريات كثيرة سواء من ناحية الاكل ولا الرياضة،الاثنين طلبتهم من امازون..

وبس طال عمركم هذه هي الاشياء البسيطة اللي تخليكم و تساعدكم على الاستمرار في اتباع نظام غذائي صحي و رياضة

على المدى البعيد..واسلوب حياة نظيف.

والف شكر لكم و لقراءتكم

استفدتوا من الموضوع لا تنسون مشاركته مع من تحبون..

have a nice weekend

1 comment أسلوب حياة/lifestyle