تنظيف فرش المكياج بقفازات السيلكون....BRUSHES CLEANING

مساء \صباح الخير

كيفكم و إجازة سعيدة للجميع..

الفكرة اللي بتكلم عنها اليوم ، ما اعتبرها فكرة جديدة أو شيء واو مبتكر وكذا،لا اشوفها بس فكرة مساعدة و موفرة من ناحيتين؛

١| توفير الوقت..

٢| التوفير المادي..

تنظيف فرش المكياج بقفازات السيلكون..

أكيد كلنا نعرف قفازات سيجما لتنظيف فرش المكياج،وكمية المدح والثناء عليها من يوتيوبر اجنبيات ولا مدونات عربيات واجنبيات،لكن عندنا ماتتوفر الا بالطلب اون لاين ولا تاجرات يوفرونها،والمبلغ لكم عليه بالنسبة لقفازات..

طيب البديل:

البديل لها لكن بنفس النتيجة ، قفازات السيلكون الخاصة بالافران ،والاواني،تلاقونها بأغلب محلات الاواني والادوات المنزلية،أنا لقيتها ب سيتي ماكس بحدود ١٧ريال،وفي منها كذا لون..

عملية وجميلة شكليا،..الحين طريقتي في تنظيف فرش المكياج اللي استخدمها بشكل دائم وانظفها مرتين بالشهر،لان تراكم بقايا المكياج والغبار بيعدم البشرة وبسهولة تنتقل لها الجراثيم والبكتيريا فيزيد من تعب البشرة وكثرة الحساسية و الحبوب عليها..

١/امسك الفرشاة اللي ابغى أنظفها و احطها بشوية زيت زيتون،الفائدة من زيت الزيتون يحافظ لي على ملمسها و نعومتها،وما تخرب بسرعة..

٢/بعدها احطها في شامبو أطفال جونسون مثلا،أنا هنا استخدمت صابون فيري،لان ماكان متوفر عندي شامبو أطفال، فا استخدمته لان كلهم يؤدون نفس الغرض وبعدها ابدا احرك شعيرات الفرشاة بشكل دائري على القفاز لين اتأكد آنها نظفت تماما من أي بقايا للمكياج والغبار..

٣/اخر شيء اغسلهم بماء دافئ، واتاكد أن مافيه اي بقايا للصابون والزيت، واحطهم على منشفة ولا نفس طريقتي استخدم منشفة نظيفة وأحط فوقها سلة صغيرة وتكون فيها فتحات كثيرة عشان تخرج الموية منها واخليها واقفة بالمقلوب عشان لاتخرب بسرعة من دخول الموية لها كلها..ونعيما ..

٤/وهذه هي بعد مانظفتها و جفت ،وما اخذت مني وقت ولا جهد وقت تنظيفها،أتمنى تجربونها وتشاركوني بآرائكم و تجاربكم هنا ولا في تويتر وانستقرام ..

.شكرا لقراءتكم.

twitter: purityofbeauty0

Instagram:purityofbeauty0

e-meil:zakiah.al3sire@gmail.com

6 comments تجارب, مكياج