السلام عليكم ورحمة الله و بركاته..
.
.
كيفكم بنات
ببدأ معكم اليوم أول بوست من سلسلة العودة الى المدارس،
بسم الله:
مع الدوام و العودة للمدارس، نحتاج بالغالب طريقة سريعة و سهلة تخلي شعرنا مرتب و مضبوط وما يتطاير مع الحر ولا يدهن مع الرطوبة خصوصا لو كان الطريق للدوام ولا المدرسة و الجامعة طويل..
هو من النوع اللي من العادي للجاف، يعني اذا اهتميت و خصصت لشعري وقت في الاسبوع اهتم فيه من حمام زيت و ترطيب
يكون تمام وش حلاته و نعومته،لكن لو أهمله إهمال بسيط لفترة مادري إيش يصير فيه، يكون جاف و كأنه تعبان و باهت
و متقصف و يتطاير و حالته حالة..فجربت كذا طريقة لين ضبطت معي طريقة معينة و صارت روتين لي في المناسبات...
الخطوة الأولى: بعد ما أخذ شاور لشعري، استخدم السيشوار على حرارة متوسطة، وهو مبلل على خفيف، امشط الشعر بـ
tangle teezer الفرشاة اللي لونها بينك،ماتقطع و تساقط شعري..
الخطوة الثانية: ابخ كذا مرة على شعري بس بخ خفيف ما ابلل شعري مرة، ببخاخ من ترسيمي بزيت الأرغان المغربي،
للتحكم بتطاير الشعر و تنعيمه، أخذته من النهدي، وفيه حماية للشعر من الحرارة..
الخطوة الثالثة: امشط شعري بفرشاة عادية،و أقسمه ست أقسام، و ابدا امشي بالستريتنر على شعري، لغاية ما أخلص
من الشعر كله، أنا استخدم ستريتنر (بيبي ليس baby liss) حرارته جدا جميلة تقدرين تتحكمين فيها على حسب نوع شعرك، و تصفف الشعر بسهولة ما يحتاج اكرر اكثر من مرتين على كل جزء من شعري..
الخطوة الرابعة:ماهي اساسية بس لو كنت حابة أعطي شعري شوية فوليوم و حجم و شكل كثيف استخدم فرشاة الفوليوم و ابخ ببخاخ الشعر من لوريال مثبت قوي للشعر اسمه l'oreal paris elnett satin super hold ..
الخطوة الخامسة و الأخيرة: ابخ من عطري المفضل هو ريحته مركزة شوي، على فرشاة الشعر وارجع امشط فيه شعري عشان يعطي رائحة حلوة و لطيفة..
وبس إن شاء الله تستفيدون
ذكرتيني بايام الجامعه والدوام الطويل بجد يبغاله طريقه جميله كذا..ننتظر جديدك ♡
ردحذف